"Paqe në Ukrainë": Trump dhe Putin në rrugë drejt takimit

Përpjekjet për arritjen e paqes në Ukrainë bënë që presidentët e ShBA-së dhe Rusisë, Donald Trump dhe Vladimir Putin, të takohen pas një kohe të gjatë. Alaska, shteti më verior i Shteteve të Bashkuara, është zgjedhur si vendtakimi neutral për këtë takim të rëndësishëm mes dy liderëve botërorë – një ngjarje që ka tërhequr vëmendjen e mediave ndërkombëtare. Trump mbërriti i pari në vendin e takimit, ndërsa Putini u prit në mënyrë formale nga homologu amerikan. Të dy liderët shtrënguan duart dhe u përshëndetën, përpara se të ecnin në tapetin e kuq, i cili ishte shtruar posaçërisht për ceremoninë. Në fund të parakalimit, ata qëndruan para mediave për një sesion fotografik, ku vërehej buzëqeshja dhe qetësia diplomatike në sjelljen e tyre. Donald Trump dhe Vladimir Putin u drejtuan drejt automjeteve të tyre që po prisnin. Por, pavarësisht se Putin kishte sjellë limuzinën e tij "Aurus" dhe ajo u pa në pistë pranë aeroplanëve, presidenti rus hipi në limuzinën presidenciale amerikane, të njohur si "Bisha". Ata u nisën drejt objektit ku do të mbahet takimi i shumëpërfolur. /Klankosova.tv