Papa lutet për vendet myslimane

Papa Françesku i ka kushtuar një lutje të veçantë sot Pakistanit dhe Irakut të cilët së fundi janë përballur me sulme terroriste me shumë viktima. "Popujt e dashur të Pakistanit dhe Irakut janë veçanërisht në mendimet e mia pasi janë goditur nga veprime të tmerrshme terroriste ditëve të fundit. Të lutemi për viktimat, për të lënduarit dhe familjet e tyre. Të lutemi shumë për çdo zemër të ngurtë të mbushur me urrejtje që ti kthehen vullnetit të Zotit”, ka thënë Françesku gjatë lutjeve të së dielës në sheshin e Shën Pjetrit në Vatikan, njofton Radio Europa e Lirë. Më 16 shkurt, grupi terrorist, Shteti Islamik ka kryer sulm në një vend të shenjtë të myslimanëve Sufi duke vrarë 88 persona dhe lënduar mbi 100 të tjerë.

 klankosova.tv