“Pantera e Zezë” i bashkohet London Madame Tussaud në rihapje (FOTO)

Superheroi Marvel Black Panther u shfaq në Madame Tussauds në Londër të premten para se të rihapen shfaqjet në muzeun e figurave të dyllit. Mbreti i trilluar i Wakandas është veshur me kostumin e tij të veçantë  të Panterës së zezë (Black Panther), me "efekt vibranium" i ndërtuar asisoj që e bën veshjen të ndriçohet në ngjyrë vjollcë kur vizitorët e prekin atë. Vibranium është metali i minuar në Ëakanda, figura komike e autorit Marvel, shkruan Reuters. Figura bashkohet në shfaqjen “Salla Marvel e Heronjve” e cila do të rihapet këtë javë në kuadër të lehtësimit të masave nga Anglia. Muzeu njoftoi se kanë zhvendosur modelet e dyllit të Princit Britanik Harry dhe gruas së tij Meghan, të cilët lanë detyrat e tyre mbretërore vitin e kaluar dhe u transferuan në Los Anxhelos. Zona e re përmban figura të famshme të Hollywood-it, si Angelina Jolie, George Clooney dhe Tom Hardy, në të cilat të ftuarit mund të ecin nëpër tepih të kuqë. Menaxheri i përgjithshëm i Madame Tussauds London, Tim Waters tha se një numër i madh aktivitetesh i janë shtuar kësaj shfaqje, transmeton Klan Kosova. "Ka pasur një numër interaktivitetesh të reja që ne kemi vendosur në këtë hapësirë. Ne kemi një zonë të re skenike, të cilën mysafirët mund të mbledhin çmime", transmeton Klan Kosova. Si risi për këtë ngjarje është edhe mundësia e komunikimit me personazhet e famshme përmes telefonit, gjë kjo mjaft atraktive për të gjithë vizitorët.