Pamjet tmerruese të djalit 5 vjeç: "Më thanë gishta s'ka, m'lëshoj trupi" (VIDEO)

Pamjet në të cilat e gjetën nipin e tyre 5 vjeç, e tmerruan familjen. Djali 5 vjeçar nga Janjeva e Lipjanit, u shtrua në QKUK për shkak të gjendjes së rënduar shëndetësore, e dyshimet e para vijnë per shkak te neglizhences se familjes. Për Kiks Kosovën, ekskluzivisht ka rrëfyer ngjarjen, S. P, gruaja e axhës së fëmijës. Ajo ka qenë e para e cila ka parë gjendjen e fëmijës, ndonëse këmbët thotë se nuk ia kishte vërejtur në fillim, ngase djali qe i ulur në tokë dhe duke u mbajtur me duar. Meqenëse dyshimet e saj veç po shtoheshin, ajo telefonoi motrën e burrit dhe kërkoi nga ajo që të merrte djalin 5 vjeç dhe ta dërgonte në emergjencë. Aty, ajo thotë se u trondit kur i thanë që gishtat e këmbëve fëmija nuk i kishte. Ndonëse mjekët sipas saj, i thanë që kjo gjendje e shputave nuk qe e asaj dite por që moti. Përveç shputave të lënduara, S. P thotë se nipi i saj kishte shenja edhe në kokë dhe vesh. Djali 5 vjeç, i biri i prindërve V. P dhe A. K, sipas gruas së axhës, në periudhën kur qe te familja strehuese, nuk kishte pasur probleme me shëndetin. Fëmija vazhdon të marr trajtim mjekësor, teksa prindërit e tij janë arrestuar. Kiks Kosova ka shkuar në objektin e QPS për t'u takuar me drejtoreshën e saj, megjithatë atë nuk e gjetëm në punë. Sipas Makfirete Shamollit, Drejtoreshë e QPS-së, rasti është referuar dhe është në trajtim nga organet e drejtësisë. Për të mos cenuar hetimet, Qendra për Punë Sociale nuk mund të ofrojë detaje shtesë në këtë fazë. Ndërsa sipas QKUK-së, djali 5 vjeç është pranuar me plagë të rënda në shputa. https://www.youtube.com/watch?v=sLly1aWnn5E Sipas spitalit, janë realizuar konsultat nga kirurgu plastik e pediatri dhe djali është në monitorim të vazhdueshëm. Sipas QKUK-së, fëmija është nën përcjellje të stafit mjekësor dhe kanë angazhuar edhe psikolog dhe punonjës tjerë social. Për të gjitha informacionet, përfshirë palët e përfshira në këtë çështje, detajet i gjeni në videon e mëposhtme. https://www.youtube.com/watch?v=5Vg56AciRkc