Pakistanezi vret të bijën për shkak të videove në Tik-Tok

Një burrë i cili kohët e fundit  u shpërngul  me familjen e tij në Pakistan nga SHBA-ja, ka rrëfyer se ka vrarë vajzën e tij adoleshente sepse nuk i ndalonte shpërndarjet e videove të  saj në  TikTok, ka thënë policia.

Anwar ul-Haq u akuzua për vrasje pasi pranoi se kishte qëlluar vajzën e tij Hira në qytetin jugperëndimor të Quetta të martën. Ai fillimisht u tha hetuesve se pas të shtënave qëndronte një  burrë i  paidentifikuar. Babai, i cili ka nënshtetësi amerikane, tha se postimet e vajzës së tij i konsideronte "të kundërshtueshme". Policia tha se po shikonte në të gjitha këndvështrimet, duke përfshirë mundësinë e një vrasjeje për nder, e cila nuk është e pazakontë në vend, raporton BBC, transmeton Klankosova.tv.

Qindra njerëz – shumica prej tyre gra – vdesin në të ashtuquajturat vrasje nderi në Pakistan çdo vit, sipas grupeve të të drejtave të njeriut. Këto vrasje zakonisht kryhen nga të afërm të cilët thonë se po veprojnë në mbrojtje të nderit të familjes së tyre.