Pacolli: Gjatë mandatit tim e dyfishova numrin e grave si ambasadore

Ish-ministri i Punëve të Jashtme, Behgjet Pacolli, ka uruar festën e 8 Marsit të gjitha grave, transmeton Klan Kosova.

Pacolli ka thënë se është që gjatë periudhës sa ishte Ministër i Jashtëm e kishte dyfishuar numrin e grave si ambasadore.

“Gëzuar Ditën Ndërkombëtare të Grave. Jam krenar që gjatë mandatit tim si ministër i Punëve të Jashtme të Kosovës kemi dyfishuar numrin e grave Ambasadore që përfaqësojnë Kosovën jashtë vendit”.

“Ato kanë bërë një punë të shkëlqyeshme në mbrojtjen e interesave kombëtare të Kosovës. Faleminderit për shërbimin tuaj për vendin”, ka shkruar Pacolli.