Lajmet e fundit
Pacientja e parë në botë me COVID-19, Huan Yanling, vazhdon të jetë e zhdukur pavarësisht kërkimeve njëvjeçare mes frikës nga një mbulim shtetëror.
Shkenëtarja e cila ka punuar në Institutin e Virologjisë - Wuhan, mendohet të ketë qenë e para që kontraktoi COVID--19 në vjeshtën e vitit 2019, para se të pranohej zyrtarisht.
Pretendimet sugjeruan një lidhje midis pandemisë dhe institutit - i cili strehon sëmundje të lakuriqëve dhe nxiti frikën se ky virus kishte dalë aksidentalisht gjatë eksperimenteve. Zyrtarët shtetërorë dhe agjentët e laboratorëve ishin të shpejtë për të hedhur poshtë raportet në atë kohë dhe për t'i hequr ato nga interneti.
Ata pretenduan që Huang ishte e sigurt dhe thjesht kishte lëvizur punë, me një agjenci kineze të lajmeve madje duke pretenduar se kishte folur me punëdhënësin e saj të ri, transmeton Klan Kosova.
Raportimet flasin për teorinë që ajo është e vdekur ose po mbahet nga shteti për të mbuluar rolin e institutit në pandemi, raporton Mail on Sunday. Vendi tani është nën presion në rritje për të zbuluar prova përfundimtare të vendndodhjes së Huang dhe origjinën e vërtetë të pandemisë.
Një postim që pretendonte se ishte nga shkencëtarja, më vonë u shfaq në shërbimin e mesazheve WeChat duke u thënë kolegëve se ishte gjallë dhe duke pretenduar se raportet ishin false. Në të shkruhej: " Unë jam Huang Yanling, akoma gjallë. Nëse merrni ndonjë email [në lidhje me thashethemet Covid], ju lutemi thoni se nuk është e vërtetë". Por që nga ajo kohë Huang duket se është zhdukur nga mediat sociale dhe nuk përmendet më emri i saj në faqen e internetit të institutit.
