Lajmet e fundit
Pacientët të cilët kanë kancerin e njëjtë të trurit sikur ai që vrau ministren britanike Dame Tessa Jowell, tani mund të jetojnë shtatë vjet më gjatë falë një vaksine të re.
Kështu thonë studimet e fundit në Britani në të cilin shkencëtarët testuan injeksionin DCVax-L, formë kjo e imunoterapisë, transmeton Klan Kosova.
Në këtë hulumtim u bë e ditur se u analizuan më shumë se 300 pacientë të diagnostifikuar me një glioblastomë.
Ata zbuluan se mesatarisht, vaksina i mbajti ato gjallë për vetëm nën dy vjet - rreth gjashtë muaj më shumë se sa pritej.
Të mbijetuarit më të gjatë kanë jetuar për më shumë se shtatë vjet, sipas rezultateve të publikuara në Journal of Translational Medicine.
Organizatat bamirëse të kancerit të trurit i kanë quajtur rezultatet "jashtëzakonisht premtuese" pas vdekjes së Dame Jowell dy javë më parë, 70 vjeç, transmeton Klan Kosova.
Glioblastoma, forma më vdekjeprurëse e kancerit të trurit godet çdo vit katër mijë njerëz në Britani të Madhe.
