Lajmet e fundit
Duke paraqitur vende të trashëgimisë kulturore dhe fetare në vend, Misioni i OSBE-së në Kosovë, do të hap një ekspozitë me fotografi, sonte duke filluar nga ora 18:00.
Këto fotografi u shkrepën nga një numër studentësh të komuniteteve të ndryshme të Kosovës të cilët vizituan një numër të vendeve të trashëgimisë kulturore, e që do të i ekspozojnë këto imazhe në restaurantin ‘’Marash’’ në Prizren.
Kjo ekspozitë vie në kuadër të Misionit të OSBE-së në Kosovë, ndërsa hapjen do ta bëjë shefi i zyrës rajonale të OSBE-së në Prizren, Norman Spitzegger, transmeton Klan Kosova.
Ky projekt ka synim të nxjerrë në pah rëndësinë që ka trashëgimia kulturore dhe fetare në Kosovë e poashtu të shtojë tolerancën dhe bashkëpunimin ndërmjet komuniteteve veçanërisht në mesin e të rinjve.
