Orari i qarkullimit i pafavorshëm, kërkohet të ndryshohet (VIDEO)

Në ora 16:00 qytetarët e kanë dritën e gjelbër për të lëvizur, shumica prej tyre ia mësyjnë dyqaneve për t’u furnizuar. Koha e shkurtër për t’i kryer këto shërbime po bënë që të krijohen turma të mëdha. Kundër kësaj praktike është kryetari i Prishtinës, Shpend Ahmeti, i cili po kërkon që të ndërrohet orari i lëvizjes së lirë, pasi sipas tij kështu qytetarët po rrezikohen edhe më shumë. Ngjashëm mendon edhe  i pari i Gjakovës, Ardian Gjini, i cili bënë thirrje për rivlerësim të këtij vendimi, siç e quan ai, të gabueshëm. Ankesat e këtyre dy komunave dhe të tjerave i përfaqësojë Asociacioni i Komunave të Kosovës në një takimin që mbajtën këtë të premte, me grupin ndërinstitucional për menaxhimin e incidenteve. Paraqitja e kësaj kërkese duket se hasi në mirëkuptim. Kronikë e gazetares Qendresa Sinani. https://www.youtube.com/watch?v=uajX_aexpWA