Ora e parë e mësimit të premten i kushtohet Pavarësisë

Ministri i Arsimit, Shyqiri Bytyqi, ka marrë vendim që të premten më 16 shkurt, në të gjitha shkollat fillore dhe të mesme të Kosovës, ora e parë e mësimit t’i kushtohet historikut të pavarësisë së Kosovës, sakrificës së popullit shqiptar dhe kontributit të bashkësisë ndërkombëtare për lirinë dhe pavarësinë e Kosovës.

Këtë vendim, Bytyqi e ka marrë në prag të 10 vjetorit të pavarësisë së Republikës së Kosovës,  me qëllim të zgjerimit të njohurive të nxënësve për këtë ngjarje të rëndësishme.