Opozita shqiptare kërkon futjen e Berishës në grupin parlamentar, Nikolla përjashton Nokën pas debateve

Me debate të ashpra ka nisur seanca e sotme plenare në Kuvendin e Shqipërisë, ku Gazment Bardhi kërkoi rikthimin e ish-kryeministrit Sali Berisha në grupin parlamentar të PD. Bardhi e kishte paraqitur kërkesën bashkë me të tjera për ndryshimet në përbërjen e Këshillit të Mandateve dhe Rregullores, përcjell klankosova.tv. Nikolla nuk e lexoi njoftimin e Bardhit, ndërsa replikave iu përgjigj me pretendimin se për t’u futur në grup duhet vendimi i partisë. Opozita akuzoi Nikollën se po shkel Kushtetutën dhe se po vepron me dy standarde. Siç shkruan lapsi, kryetarja e Kuvendit ka përjashtuar nga seanca deputetin Flamur Noka. Ky i fundit e cilësoi Nikollën si përfaqësuese dinjitoze të narkoshtetit.