Olmo i Barçës do të jetë jashtë fushës për katër deri në pesë javë

Lajm i keq për Hansi Flick, i cili nuk do të jetë në gjendje të llogarisë në Dani Olmo për katër ose pesë javët e ardhshme, siç njoftohet nga klubi në një deklaratë. Mesfushori pësoi një lëndim në bicepsin femoral të këmbës së djathtë që ndodhi në ndeshjen kundër Gironas të dielën e kaluar. Lajmi ishte më i rëndë se sa dukej në fillim pasi pas testeve të para që u kryen në vetë stadiumin e Gironas u mendua se koha e daljes mund të ishte një javë. Megjithatë, testet e kryera këtë të hënë në Ciudad Deportiva kanë rezultuar që periudha e mungesës të jetë të paktën një muaj. Një goditje e rëndë për Flick sepse ky dëmtim i bashkohet mesfushorëve të tjerë që janë jashtë si Gavi, De Jong, Fermin, Bernal dhe  Christensen që mund të veprojnë edhe në mesfushë. Prandaj, trajneri do të ketë shumë probleme për të bashkuar njëmbëdhjetëshen që do të përballet me Monacon këtë të enjte në debutimin e Barçës në Champions League. Nëse konfirmohen këto pesë javë mungesë, futbollisti do të mungojë në këto ndeshje: Villarreal, Getafe, Osasuna dhe Alaves në La Liga, si dhe Monaco dhe Young Boys në Champions League. Pra, gjithsej gjashtë ndeshje. Olmo mund të rikthehet në ndeshjen kundër Sevillas që zhvillohet të dielën, më 20 tetor, shkruan Marca, transmeton Klankosova.tv.