OKB-ja e vendos Rusinë në 'listën e turpit'

Organizata e Kombeve të Bashkuara i ka vendosur forcat ruse në listën e zezë vjetore të vendeve që shkelin të drejtat e fëmijëve. Ajo akuzoi Moskën për vrasjen e fëmijëve dhe sulmet ndaj shkollave dhe spitaleve në Ukrainë, sipas një raporti të ri të parë të enjten nga AP, shkruan Euronews, transmeton Klan Kosova. “Jam veçanërisht i tronditur nga numri i lartë i sulmeve kundër shkollave, spitaleve dhe personelit të mbrojtur, dhe nga numri i madh i vdekjeve dhe gjymtimeve të fëmijëve që u atribuohen forcave ruse dhe grupeve të armatosura të lidhura me to”, tha Sekretari i Përgjithshëm i OKB-së, Antonio Guterres. Në raport, OKB-ja konfirmoi se 477 fëmijë ishin vrarë në Ukrainë në vitin 2022, duke përfshirë 136 vdekje që u atribuohen forcave ruse. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.

klankosova.tv