O`Connell interesohet për të drejtat e njeriut

Avokati i Popullit, Hilmi Jashari ka takuar sot ambasadorin e Mbretësisë së Bashkuar në Kosovë,  Ruairi O'Connell.

Në këtë takim, ambasadori britanik u interesua për sfidat me të cilat përballet Avokati i Popullit, si një mekanizëm i mbrojtjes së të drejtave dhe lirive të njeriut në Kosovë.

Nga ana e tij, Avokati i Popullit e njoftoi diplomatin britanik mbi sfidat dhe vështirësitë kryesore në punën e institucionit që ai udhëheq dhe së këndejmi edhe për gjendjen e të drejtave të njeriut në përgjithësi në vend, transmeton Klan Kosova.