OBSH: 1 në 4 të rinj konsumojnë alkool

1 në 4 të rinj në Shqipëri dhe Evropë janë konsumatorë të alkoolit. Sipas specialistëve kjo tendencë e të rinjve 15-19 vjeç ka ardhur në rritje dhe kryesisht tek vajzat. “Ka një rritje të lartë që nis që nga adoleshentët. Pra nëse para 4 vitesh ishte 5 % tek të rinjtë, sot është 15 %. Dhe ajo që është shqetësuese është se ka një trend rritës të përdorimit të alkoolit edhe tek vajzat”, tha Andia Meksi, specialiste ISHP. Sipas Tvklan.al, ndër faktorët kryesorë specialistët rendisin rrethin shoqëror, transmeton Klankosova.tv. “Ka të bëjë shumë ndikimi mjedisor, moshatarët kanë ndikim më të lartë tek të rinj, si dhe normat”.