Nuk është mbyllur rasti i Dafina Zhubit (VIDEO)

Kryeprokurori i shteti Aleksandër Lumezi, ka për tu lavdëruar me punën që organi i akuzës ka bërë në vitin 2016. Lumezit u mburr me numrin e madh të rasteve të zgjidhura, e siguroi se askush nuk do të merret në përgjegjësi penale pa të drejtë, njofton Klan Kosova. Por, kur është fjala për këtë çështje, i pari i prokurorisë së shteti nuk dha as një koment për rastin e ish kryetarit të gjykatës kushtetuese Enver Hasani, për të cilin Gjykata Suprem ka  konstatuar se është ndjekur pa të drejtë nga organi i akuzës. E tëra çka tha ishte një arsyetim i shkurtër për rastin e kryetarit të Mitrovicës, Agim Bahtiri e atij të Gjilanit, Lutfi Hazir, akuzat ndaj të cilëve, gjykata i ka hudhur poshtë që në seancën fillestare. Ndërkohë shtoi se kanë nxjerr aktvendim për rifillim të hetimeve, në rastin e njohur të Dafina Zhubit, për të cilën ishte konstatuar se ka kryer vetëvrasje e më vonë një institut zviceran, kishte vërtetuar se ishte vrasje. Lumëzi tha se tani do të kërkohet super-ekspertizë për këtë rast. Kronikën e ka përgatitur Dibran Istrefi.

klankosova.tv