Nottinghami e mposht Unitedin, ia vështirëson Cityt punën për Champions

Nottinghami e ka mposhtur Manchester Unitedin me rezultat minimal prej 1-0. Vendasit shënuan që në minutën e 5-të, ndërsa “Djajtë e Kuq” nuk arritën që të shënojnë për 90 minuta. Dalot pati dy mundësi të mira në pjesën e parë, konkretisht në minutën e 13-të dhe të 28-të, ku nuk arriti që të shënonte nga 6 metra. Mysafirët patën edhe dy shanse të mira krejt në fund të takimit, por që Maguire nuk arriti në asnjërën që ta dërgonte topin në rrjetë. Me këtë fitore Nottinghami po ecë mjaft mirë në zonën që çon në Champions League, pasi është në vendin e tretë me 57 pikë, tetë më shumë se Chelsea dhe nëntë më shumë se City, i cili pozicionohet në vendin e pestë, vend ky që e dërgon në Europa League. Ndërsa Manchester Unitedi gjendet në vendin e 13-të të takimit me vetëm 37 pikë nga 30 ndeshje.