Njëri nga të arrestuarit në aksionin në Kaçanik u lirua vitin e kaluar nga akuzat për djegien e gjykatës

Njësia Antiterrorizëm ka zhvilluar sot aksion në Kaçanik lidhur me rastin e vrasjes së rreshterit Muhamed Lika. Policia e Kosovës e ka konfirmuar aksionin për Klankosova.tv, duke thënë se operacioni po zhvillohet në bashkëpunim me organet e drejtësisë. Klankosova.tv ka mësuar se gjatë këtij aksioni është arrestuar Elmedin Raka. I njëjti, në dhjetor të vitit 2024, ishte liruar nga akuza për zjarrvënie në Gjykatën e Kaçanikut. “Refuzohet si e pabazuar Ankesa e Prokurorisë Speciale të Republikës së Kosovës, ndërsa Aktgjykimi i Gjykatës Themelore në Prishtinë – Departamenti Special i datës 01.10.2024, vërtetohet”, thuhej  në vendimin e Gjykatës së Apelit. Vërejtje: Personat e përmendur në këtë artikull, sipas ligjeve të Republikës së Kosovës, konsiderohen të pafajshëm deri në vendimin e formës së prerë nga gjykata.