Njerëzit vdesin më 1 Janar më shumë se në çdo periudhë tjetër të vitit

Pavarësisht faktit se pjesa më e madhe e njerëzve e kalojnë 1 Janarin duke u rikuperuar nga alkooli i konsumuar një natë më parë dhe duke fjetur, të dhënat tregojnë se në fakt kjo është dita më e rrezikshme e vitit.

Një studim i realizuar nga Universiteti i Kalifornisë mblodhi të dhëna dhe gjeti se numri i vdekjeve përgjatë dy javëve të Krishlindjes dhe Vitit të Ri është tepër i lartë.

Mbi të gjitha, studimi doli në përfundimin se dita kur njerëzit kanë më shumë gjasa të vdesin për shkaqe natyrore është 1 Janari.

Për të përcaktuar këtë, shkencëtarët ekzaminuan certifikatat e vdekjes përgjatë një periudhe 25 vjeçare në SHBA.

Shumë studime të mëparshme kishin përcaktuar se numri i lartë i vdekjeve shkaktohej nga vetë individi, nga aksidentet apo vrasjet përgjatë periudhës festive, por asnjë deri më sot nuk fliste për shkaqe natyrale, shkruan tvklan. Këto të fundit përfshijnë rastet kur njerëzit vdesin nga sëmundjet, mosha etj, por jo nga aksidentet apo vrasjet.

Studimi në fjalë doli në konkluzionin se më 1 Janar, njerëzit vdesin më shumë nga shkaqe natyrore se çdo ditë tjetër të vitit.

Arsyeja përse ndodh diçka e tillë mbetet ende e panjohur.