Një paketim kafe në Kore të Veriut mund të shkojë deri në 100 dollarë

Një pako e vogël çaji i zi mund të shitet për rreth 70 dollarë, ndërsa një paketë kafe mund të arrijë deri në më shumë se 100 dollarë. Në kryeqytetin Pyongyang, të Koresë së Veriut, çmimet e disa mallrave bazë thuhet se po rriten. Ekspertët thonë se çmimet e orizit dhe karburantit janë relativisht të qëndrueshme, por prodhimet e importuara si sheqeri, vaji i fasules së sojës dhe çmimet e miellit janë rritur, shkruan CNN, përcjell Klankosova.tv Sektori i bujqësisë është ende duke u rikuperuar nga dëmet e stuhisë të shkaktuara vitin e kaluar. Zëvendësimi i furnizimeve vendore të ushqimit me importe ka të ngjarë të jetë i vështirë, sepse kufijtë mbeten kryesisht të mbyllur për shkak të kufizimeve të Covid-19. Kim Jong Un, nuk bëri të ditur shkallën e mungesave, por Organizata e Ushqimit dhe Bujqësisë e Kombeve të Bashkuara (FAO) vlerësoi së fundmi se Koresë së Veriut i mungojnë afërsisht 860 mijë tonë ushqim, ose ekuivalente me pak më shumë se dy muaj furnizime në të gjithë vendin.