Lajmet e fundit
Ka nisur takimi i kryetarëve të Grupeve Parlamentare, ku është i pranishëm edhe kryesuesi i seancës, deputeti më i vjetër, Adem Mikullovci.
Këtu është duke marrë pjesë edhe koalicioni PAN, që nuk ishte i pranishëm në seancën e sotme konstitutive, njofton Klan Kosova.
Në takim është shefi i Grupit Parlamentar të Vetëvendosjes, Glauk Konjufca, ai i LDK-së, Avdullah Hoti, tre shefat e Grupeve Parlamentare të PAN-it, Bilall Sherifi nga Nisma, Pal Lekaj nga AAK dhe Enver Hoxhaj nga PDK si dhe Sllobodan Petroviq nga pakica serbe.
Në këtë takim pritet të merret vendimi se kur do të mbahet seanca e rradhës konstituive.
Vendimi për këtë takim erdhi pasi ishte deputeti i LDK-së, Arben Gashi propozoi një gjë të tillë, e që më pas mori mbështetjen edhe të deputetëve të tjerë, të pranishëm në sallë.
