Nikoliq: Ruajuni nga amerikanët

“Amerika do ta parashtrojë çështjen e rendit ekonomik, demokracisë, sistemit shumëpartiak... Këtë e bëjnë në gjithë botën. Por ekzistojnë dy parti komuniste në botë të cilat me sukses po e udhëheqin popullin e tyre – këto janë partitë komuniste të Kubës dhe Kinës, dhe këto nuk e bënë gabimin që e bëmë ne, që shteti të largohet nga ekonomia”, ka thënë presidenti serb. Në takimin e sotëm me gazetarët kubanë, Nikoliq ka thënë se “Serbia dëshiron të bëhet anëtare e Bashkimit Evropian, por edhe t’i ruajë të gjitha miqësitë e veta të vjetra, sepse kështu do t’u sigurojë jetë më të mirë qytetarëve të vet”. Nikoliq që nga e hëna po qëndron për vizitë zyrtare në Kubë, ku u takua edhe me homologun e tij Raul Castro.