Nikoliq: Asociacioni ishte ideja ime

Presidenti i Serbisë, Tomislav Nikoliq, në një intervistë të fundvitit për gazetën serbe Blic, ka thënë se platforma për formimin e një Asociacioni me Komuna Serbe në Kosovë ishte ideja e tij, njofton Klan Kosova. “Kam dëgjuar se Bashkimi Europian kërkon të respektojmë vendimin e Gjykatës Kushtetuese të Kosovës, dhe në bazë të saj të mund të formohet Asociacioni i Komunave me Shumicë Serbe”. “Asociacioni ishte ideja ime nga platforma e parë për Kosovën dhe në njëfarë mënyre ai u pranua nga përfaqësuesit e BE-së dhe Prishtinës”. “Ne duhet të insistojmë në një Asociacion, i cili është autonomi brenda autonomisë, përndryshe vihet në dyshim vazhdimi i negociatave me Prishtinën”, ka thënë Nikoliq.

klankosova.tv