Nice e ka befasuar Paris Saint-Germainin, duke e mposhtur me rezultat 3-2, në kuadër të xhiros së pestë në Ligue 1.
Terem Moffi realizoi golin e parë në ndeshje në minutën e 21’. Vetëm tetë minuta më vonë Kylian Mbappe barazoi shifrat 1-1. Me këtë rezultat u mbyll pjesa e parë.
Gaetan Laborde, e dërgoi në epërsi edhe njëherë Nicen, në minutën e 53’.
Ndërkohë, Moffi doli edhe njëherë tjetër në skenë për ta vulosur fitoren, për shifrat 3-1.
Krejt në fund, Mbappe e ngushtoi epërsinë me një gol në minutën e 87’, për rezultatin final 3-2.
Kështu Nice e mposht skuadrën e Parisit për herë të parë pas 14 vjetësh.
Nice pas fitores renditet në vendin e dytë me nëntë pikë, teksa PSG-ja në pozitën e tetë me tetë pikë. /Klankosova.tv.
●●●
LISHKRIMI NGA
L I
Editorial nga Klan Kosova — ndjek sport dhe zhvillimet e tjera kryesore të vendit.
