Lajmet e fundit
Ministria e Jashtme e Shqipërisë ka prezantuar sot iniciativën për përmirësimin e imazhit të këtij vendi përmes "Colours of Albania".
Përmes "Colours of Albania" synohet që përmes fotografisë dhe rrjeteve sociale, të përcillet në gjithë botën imazhin e Shqipërisë.
Çdo qytetar që bën foto nga vende të ndryshme të Shqipërisë, mund t’i hedhë ato në facebook dhe të bëj tag profilin coloursofAlbania.
Deri më 17 korrik kushdo që do të marrë pjesë në këtë konkurs, mund të postojë foto në rrjetet sociale dhe të bëhet pjesë e nismës, dhe në fund do të shpërblehet edhe me një shumë të hollash nga 100 euro deri në 500 euro.
Ky projekt po realizohet në organizim të British Council me Ministrinë e Punëve të Jashme të Shqipërisë si dhe Ambasadën e Mbreterisë së Norvegjisë.
