Lajmet e fundit
Bekim Çollaku ministri i Integrimeve Europiane në Qeverinë e Kosovës, përkrah zëvendëskryeministrit Hashim Thaçi dhe liderëve të tjerë të Ballkanit Perëndimor, po merr pjesë në ndeshjen miqësore të futbollit, që po luhet në Vjenë si pjesë jo zyrtare e Samitit të Vendeve të Ballkanit.
Në profilin e tij në facebook, ai ka publikuar dy fotografi, i veshur me fanella sportive që mbajnë mbiemrin Çollaku.
Ministri këtë ngjarje e ka cilësuar si një simbolikë që do të jetë në shërbim të zgjerimit të bashkëpunimit në mes pjesëmarrësve në samit.
“Kjo ndeshje ishte një aktivitet simbolik që ndihmon atmosferën bashkëpunuese ndër pjesëmarrësit e këtij samiti, dhe që përmban edhe disa mësime për punën e përbashkët edhe jashtë fushës së gjelbër”.
