Nesër do të mblidhen deputetët për seancën e radhës

Kuvendi i Kosovës mbledhjen e radhës do ta mbajë të mërkurën.

Në njoftimin e lëshuar, thuhet se njëra nga pikat është debat parlamentar lidhur me Raportin për Vendin për vitin 2021.

Seanca do të fillojë nga ora 11:00, transmeton Klankosova.tv.

Rendi i ditës:

1. Deklarimet jashtë rendit të ditës,


2. Pyetjet parlamentare,


3. Shqyrtimi i dytë i Projektligjit ne.08/L-035 për ndryshimin dhe plotësimin e Ligjit nr.04/L-017 për ndihmën Juridike Falas,


4. Shqyrtimi i raportit për mbikëqyrjen e zbatimit të Ligjit nr. 04/L-139 për Procedurën Përmbarimore, i ndryshuar dhe plotësuar me Ligjin nr. 05/L-118,


5. Shqyrtimi i raportit për mbikëqyrjen e zbatimit të Ligjit nr. 06/L-057 për Përgjegjësinë Disiplinore të Gjyqtarëve dhe Prokurorëve,


6. Formimi i Komisionit Ad-hoc për përzgjedhjen e kandidatëve për një (1) anëtar të Bordit të Radiotelevizionit të Kosovës, nga radhët e komunitetit serb,


7. Raportimi i Qeverisë së Kosovës në Kuvend rreth “Progresit në përfshirjen e objektivave të zhvillimit të Qëndrueshëm në legjislacion, politika dhe buxhet”,


8. Debat parlamentar lidhur me Raportin për Vendin për vitin 2021,


9. Zëvendësimi i anëtarit të GP LS në Komisionin për të Drejtat dhe Interesat e komuniteteve dhe Kthim.​