Nënshkruhet marrëveshja: Devolli Corporation sponzorizon Superligën e Kosovës në Basketboll

Federata e Basketbollit të Kosovës dhe Devolli Corporation kanë nënshkruar marrëveshje për bashkëpunim. Me këtë ujdi, Devolli Corporation, bëhet sponsor i përgjithshëm i Superligës së Kosovës në Basketboll, njofton Klan Kosova. Firmën e tyre e kanë dhënë Arben Fetahu, kryetar i FBK-së dhe Barlet Imami, përfaqësues i Devolli Corporation. “Devolli Corporation përkrah basketbollin kosovar, duke mbështetur si federatën edhe klubet sportive. Është nder dhe kënaqësi që Devolli Corporation të jetë pjesë e familjes së madhe të basketbollit të Kosovës”, është shprehur Imami pas nënshkrimit të kontratës. “Ndjejmë si obligim që ta përkrahim veprimtatinë dhe projektet e FBK-së”. Pas kësaj kontrate Superliga e Kosovës në Basketboll do të riemërohet.