Lajmet e fundit
Kur jeta i kishte dhënë ndjenjën e prindërimit dhe gjithçka po shkonte si mos më mirë, një dyshim dhe një përgjigje nga mjekët ndryshoi gjithçka.
Cenë Krasniqi, para 18 vjetësh, bashkë me të shoqen kishin vërejtur se sjellja e të birit të tyre, Yllit, po dallonte shumë nga ajo e së motrës binjake.
Gjashtë muaj të plotë, duke vrapuar sa në një derë e sa në derën tjetër të mjekëve, diagnostikimi u erdhi në dorë, raporton Kiks Kosova.
Cena dhe e shoqja e tij morën lajmin se i biri i tyre ka një çrregullim të spektrit autik, për të cilin atëkohë edhe informatat ishin shumë të pakta.
Madje edhe ai thotë se për herë të parë për këtë çrregullim dëgjoi kur iu diagnostikua i biri.
Krasniqi tregoi një rast kur edhe Policia e Kosovës, duke qenë e painformuar për këtë çrregullim, e kishte ngatërruar me diçka që ka të bëjë me automjetet.
Cenë Krasniqi për KIKS Kosovën tregoi se, me shumë përkushtim nga ana e tyre, Ylli filloi edhe shkollimin.
Sipas tij, përkushtim i biri i tyre gjeti edhe në shkollë, nga personeli dhe shokët e shoqet e klasës.
Ndiqni detajet në kronikën më poshtë:
