Nëna kritikohet pasi e la vajzën e saj 5-vjeçare t’i lyente flokët

Një influencuese në Utah, e cila e la vajzën e saj pesëvjeçare të zbardhte flokët, është kritikuar pas publikimit të videos në TikTok. Demi Lucy May Engemann, e cila e quan veten 'CEO e mamasë së këndshme', tregoi këtë javë se vajza e saj e vogël Maude la shkollën dhe iu bashkua asaj për një takim nënë-bijë për flokët. “Vajza ime pyeti nëse mund t'i zbardhte flokët në mënyrë që të vendoste ngjyrë rozë në to”, shpjegoi nëna 28-vjeçare në fillim të videos tashmë virale, e cila është parë më shumë se 9.7 milionë herë. “Ajo ishte kaq e emocionuar dhe ndihej kaq e madhe”, shkroi Engemann në tekstin në ekran. “Një ditë kaq argëtuese me vajzën time”, ka shtuar ajo në fund të klipit. Engemann. gjithashtu ndau disa video të Maude para dhe pas, duke treguar me kënaqësi flokët e saj të rinj biondë. Mirëpo, ajo është përballur me reagime të ashpra për lejimin e vajzës së saj pesëvjeçare, Maude, t'i zbardhte flokët. "Mamaja ime ma bëri këtë edhe mua dhe m'u deshën 18 vjet që të ndihesha rehat dhe ta dua përsëri veten time të vërtetë, si zeshkane", komentoi një person. “Mamaja ime e bëri këtë dhe m’u deshën vite që të më shëroheshin flokët e dëmtuar”. "Absolutisht jo. Kjo është e tepërt", tha një kritik.