Në sallën e Kuvendit vetëm Haradinaj me deputetët e tij

Është paralajmëruar që seanca për dialogun të nis në ora 16:30, por ora tashmë është gati 17:00 dhe punimet ende nuk kanë nisur. Në sallë tashmë gjendet vetëm kryeministri Ramush Haradinaj dhe deputetët e partisë së tij, njofton Klan Kosovë. Seanca për dialogun fillimisht ishte paralajmëruar të niste në ora 14:00, por punimet u shtynë për shkak të mungesës së kuorumit. Nëse seanca fillon punimet, aty pritet të votohet rezoluta e PSD-së dhe ligji për Dialogun. Sipas rezolutës për dialogun me Serbinë, kryetari i PSD-së, Shpend Ahmeti do të jetë bashkëkryesues i këtij procesi bashkë me Fatmir Limajn e Nismës Socialdemokrate. Klan Kosova ka siguruar Projekt-Rezolutën e plotë për dialog me Serbinë, të cilën mund ta lexoni më poshtë: http://klankosova.tv/kjo-eshte-projekt-rezoluta-e-plote-per-dialogun-me-serbine-foto/

klankosova.tv