Në Pejë e Istog bijtë sulmojnë baballarët

Policia e Kosovës ka raportuar se ditën e djeshme kanë ndodhur dy raste të dhunës në familje dhe në të dyja këto raste bëhet fjalë për sulme verbale e fizike të bijve ndaj baballarëve të tyre, njofton Klan Kosova. Një nga rastet ka ndodhur në Pejë, kur policia ka arrestuar një të dyshuar pasi i njëjti pas një mosmarrëveshje ka kanosur verbalisht babanë dhe motrën e tij. Me urdhër të prokurorit i dyshuari është dërguar në mbajtje. Një tjetër rast përafërsisht i ngjashëm ka ndodhur në Istog ku një shtetas i Kosovës, por me nacionalitet serb, pas një mosmarrëveshje ka sulmuar fizikisht babanë e vetë. Viktima ka pranuar tretman mjekësor ndërsa i dyshuari me vendim të prokurorit është dërguar në mbajtje.

klankosova.tv