Në Gjermani të premten zbulohet shtatorja e Nënë Terezës

Një shtatore e re kushtuar humanistes dhe nobelistes shqiptare, Nëna Tereza, do të zbulohet më 18 qershor në Pfaffenhofen, Gjermani, gjatë një manifestimi kulturor nga Shoqata Kulturore Shqiptare ‘Sali Çekaj’ dhe Misioni Katolik Shqiptar në Gjermani.

Pas zbulimit të shtatores së Nënë Terezës në orën 17:30,do të vazhdohet me koncertin “Nata Shqiptare” në qendër të qytetit, në Bavari, nga Minheni në drejtim të Nyrnbergut, ku këngëtarja e shquar shqiptare Eda Zari do të këndojë këngë nga repertori i saj. Po ashtu, në këtë mbrëmje do të ketë edhe ushqime tradicionale./ATSH/