Në Berlin u protestua kundër "bosnjëzimit të Kosovës" (VIDEO)

Në Berlin është protestuar kundër Asociacionit të komunave me shumicë serbe. Protesta është organizuar nga aktivistë e shoqatave të bashkatdhetarëve, ndërkaq është përkrahur edhe nga qendra e Vetëvendosjes në Gjermani. "Kundër bosnjëzimit të Kosovës" ka qenë thirrja e kësaj proteste, përcjell Klankosova.tv. Lëvizja Vetëvendosje në Gjermani mbështeti këtë organizim të aktivistëve dhe shoqatave të ndryshme. "Ne bëjmë thirrje për të gjithë aktivistët, simpatizantët dhe mërgatës shqiptare që të bashkohen me këtë protestë. Qëllimi i protestës është të sensibilizojë shoqërinë gjermane për rrezikun që paraqet themelimi i asociacionit në baza etnike", thuhet në thirrjen e VV-së në Gjermani.