“Në Amerikë janë normale të tilla ngjarje”, diskutohet djegia e Kuranit nga republikania në Teksas

Një kandidate republikane për Kongres në Teksas, Valentina Gomez ka shkaktuar reagime të ashpra pas publikimit të një videoje fushate, ku shihet duke i vënë flakën Kuranit me një flakëhedhës. Në video, Gomez shfaqet duke përdorur gjuhë të urrejtjes: “Vajzat tuaja do të përdhunohen dhe djemve do t’u priten kokat, nëse nuk e ndalim Islamin një herë e përgjithmonë. Amerika është një komb i krishterë, ndaj myslimanët terroristë mund të p******* në cilindo nga 57 vendet myslimane. Ka vetëm një Zot të vërtetë, dhe ai është Zoti i Izraelit”. Ajo e përfundon mesazhin duke thënë se është “e fuqizuar nga Jezu Krishti”. Ky zhvillim ishte temë diskutimi në emisionin “Ora Shtatë”, transmeton Klankosova.tv. Sipas avokatit Azdren Bytyqi, Gomez po vepronte si të ishte kryetare e Amerikës, derisa shton se fjala e saj nuk çon peshë, megjithëse pamjet janë shqetësuese. Ndërsa aktivisti Bajram Kabashi, thotë se qëndron një problem që bota nuk guxon t’i mbyll sytë, dhe sipas tij është islamizimi. “ShBA dihet që ka liri të feve, por nuk duhet t’i lejojë njerëzit të veprojnë, apo t’i lejojë njerëzit të vriten në bazë të një feje”, u shpreh Kabashi. Ai shton se në Amerikë, janë normale ndër të tjera ngjarje të tilla. https://www.youtube.com/watch?v=t6YmyRoGlDE