Ndalohet për 48 orë personi që kërcënoi gazetarin në Prishtinë

Prokuroria Themelore në Prishtinë ka njoftuar se është ndaluar për 48 orë një person me inicialet H.H. pasi dyshohet se ka kryer veprën penale ‘’Kanosje’’ ndaj gazetarit S.M., i cili ishte kanosur gjatë ushtrimit të detyrës dhe profesionit të tij. “Sipas dyshimeve fillestare, i dyshuari H.H., ka kanosur gazetarin S.M., për shkak të ushtrimit të detyrës dhe profesionit të tij. Prokurori i shtetit, pranë gjykatës kompetente, ka paraqitur aktakuzë, së bashku me kërkesën për caktimin e masës së paraburgimit ndaj të dyshuarit”, ka njoftuar Prokuroria. /Klankosova.tv