Ndahet nga jeta aktori Lazer Vlashi

Është ndarë nga jeta në moshën 96-vjeçare aktori Lazër Vlashi. Ai ishte një ndër artistët e parë të plejadës së aktrimit shqiptar.

I lindur në Durrës më 15 shtator 1919, intepretoi rreth 80 role në Teatrin Popullor. Ndër shfaqjet më të spikatura ku mori pjese janë: “Revizori”, “Otello”, “Orët e Kremlinit” dhe “Besa e Madhe”.

Lazer Vlashi ka interpretuar edhe në disa filma të njohur të kinematografisë shqiptare, si “Tana”, në rolin e sekretarit; apo “Debatik”, “Detyrë e Posaçme”, “Toka Jonë” e “Njësiti Guerril”.

Megjithëse doli në pension në vitin 1976, Vlashi doli në skenë deri në mesin e viteve '90, transmeton Top Channel.