NBA, Cleveland mposht prapë Toronton

Cleveland Cavaliers fiton edhe përballjen e dytë finale ndaj Toronto Raptors në Konferencën e Lindjes. Sigurisht që për skuadrën nga Ohio nuk ishte kaq e lehtë sa në sfidën e parë, por Cavaliers shfrytëzuan fushën duke i mposhtur kanadezët 108-89. Pas një periodë të parë të ekuilibruar, që u mbyll me rezultatin e ngushtë 30 – 28, skuadra e Tyronnn Lue e rriti ndjeshëm ritmin, duke shkuar plus 14 pikë në fund të pjesës së parë. Në dy periodat e fundit Cavaliers u mjaftuan me dominimin e lojës, duke ruajtur energji për sfidën e radhës që do të luhet në Air Canada Center. Edhe në këtë takim spikati – dyshja Irving – James, që realizoi në total 49 pikë, por sigursht loja e LeBron, ishte më efikase, pasi 31 vjecari përvcese realizoi 23 pikë, dha 11 assist dhe kontrolloi 11 topa nën tabelë.   https://www.youtube.com/watch?v=PiyxQl5TmXg