Napoli afër brazilianit të talentuar Giovane, Conte gati të përshëndes përforcimin e ri në sulm

Napoli është shumë pranë mbylljes së marrëveshjes për anëtarin e Hellas Verona, talentin brazilian Giovane, një lëvizje që konfirmon strategjinë e klubit për të investuar te talentet me perspektivë. Sipas mediave italiane, operacioni do të mbyllet për rreth 20 milionë euro, bonuset e përfshira, ndërsa lojtari pritet të firmosë një kontratë  deri në vitin 2031, me një pagë rreth 1.2 milion euro neto në sezon. Giovane nuk konsiderohet një futbollist që ndryshon menjëherë ekuilibrat e garës për titull, por te Napoli janë të bindur se bëhet fjalë për një profil me cilësi të larta dhe hapësira të mëdha rritjeje. Një investim tipik i politikës së klubit, që i garanton Contes një alternativë të vlefshme për të ndërtuar një Napoli më konkurrues në të tashmen dhe me sy nga e ardhmja. Nga ana taktike, Giovane është një sulmues zone, më shumë qendror se sa anësor, dhe i ndryshëm nga profili i Neres. Ai mund të luajë si bashkëpunëtor i një tjetër qendërsulmuesi ose edhe si pikë referimi në repartin ofensiv, duke u përshtatur si përkrah Hojlund ashtu edhe në rolin e tij, për t’i dhënë frymëmarrje repartit në pritje të rikthimit të plotë të Lukakut.