Nano vazhdon të jetë në gjendje të rëndë shëndetësore për 16 ditë

Gjendja shëndetësore e ish-kryeministrit të Shqipërisë, Fatos Nano, nuk ka pësuar ndryshime që prej 16 ditësh. Ai vijon të jetë i shtruar në shërbimin e terapisë intensive në një prej spitaleve private të Tiranës, pas një arresti kardiorespirator që pësoi në banesën e tij. Burime për Euronews Albania bëjnë me dije se ish-lideri i socialistëve është ende në gjendje të rëndë shëndetësore, i pavetëdijshëm dhe me reagime të pakta ndaj dritës. Pavarësisht ndërhyrjes në kohë të autoambulancës dhe ekipeve mjekësore që e asistuan, rikthimi i tij në funksion jetësor të zemrës u mundësua falë reanimimit të menjëhershëm. Ekipet multidisiplinare e konsiderojnë gjendjen e tij shumë të rëndë dhe vijojnë të monitorojnë trajtimin intensiv. Euronews Albania, sipas mjekëve, sfida më e madhe mbetet rizgjimi i trurit, organit më të ndjeshëm ndaj mungesës së oksigjenit gjatë arrestit kardiorespirator, megjithatë kujdesi ndaj tij vazhdon pa ndërprerje.