Namazi i Fitër Bajramit falet në xhaminë “Haxhi Ibrahim Devolli” në Pejë (VIDEO)

Namazi i Fitër Bajramit është falur në xhaminë “Haxhi Ibrahim Devolli” në Pejë, ku një numër i madh besimtarësh myslimanë janë mbledhur që në orët e hershme të mëngjesit për të kremtuar një nga festat më të rëndësishme të fesë islame. Besimtarët, të rinj e të moshuar, morën pjesë në faljen e namazit të Bajramit, transmeton Klankosova.tv. Hoxhë, Almedin Ejupi lexoi Kuranin para besimtarëve myslimanë, derisa theksoi edhe rëndësinë e muajit të shenjtë të Ramazanit. Pas faljes, qytetarët u përshëndetën mes vete me urimet tradicionale për Fitër Bajramin, duke ndarë momente gëzimi dhe afërsie. Gëzuar Fitër Bajramin! https://www.youtube.com/watch?v=klpvgUmDTms