Nagavci s'jep përgjigje të qartë, por i reagon presidentes - jep garancë për nënshkrimet e VV-së

Shefja e Grupit Parlamentar të Vetëvendosjes, Arbërie Nagavci, e ka komentuar deklaratën e shefes së kabintetit të Vjosa Osmanit, Learta Hollaj, e cila e mohoi se VV ka ofruar nënshkrimet për kandidaturën e presidentes aktuale. Nagavci nuk dha përgjigje të qartë, por u deklarua shkurt dhe e tejkaloi pyetjen, transmeton Klankosova.tv "Zonjës Learta edhe zonjës presidente, unë sot i garantoj nënshkrimet për të vazhduar në garë." Hollaj tha se Osmani e demanton se i janë ofruar nënshkrimet dhe përkrahja nga Lëvizja Vetëvendosje për rizgjedhje si Presidente e Republikës së Kosovës. “Kjo është gënjeshtër”, shkroi Hollaj në Facebook. Ndryshe, Nagavci ishte e qartë kur tha se i kanë ofruar Osmanit nënshkrimet e nevojshme për kandidaturën e saj, po presidentja aktuale e ka refuzuar ofertën, raporton Klankosova.tv “Si Lëvizje, i kemi ofruar edhe Presidentes Osmani nënshkrimet për kandidaturën e saj, edhe pse nga ajo që e dimë asnjë subjekt politik nuk e ka bërë një gjë të tillë dhe madje kemi pasur deklarata të subjekteve politike për mos mbështetjen e Osmanit. Meqë Osmani nuk e ka pranuar këtë ofertë, duke marrë parasysh edhe dinamikat aktuale deri nesër për të zgjedhur presidenten, ne si LVV kemi qenë të gatshëm dhe jemi të gatshëm të ofrojmë nënshkrime edhe për subjekte të tjera, për të ofruar kandidatura potenciale.” – tha Nagavci. /Klankosova.tv https://klankosova.tv/presidenca-demanton-lvv-ne-per-ofrimin-e-nenshkrimeve-kjo-eshte-genjeshter/ https://klankosova.tv/presidenca-demanton-lvv-ne-per-ofrimin-e-nenshkrimeve-kjo-eshte-genjeshter/