Lajmet e fundit
Një grup grash po kritikojnë publikisht autoritetet ruse. Burrat e tyre janë në mesin e 300,000 rezervistëve të mobilizuar nga presidenti rus Vladimir Putin për luftën në Ukrainë në vjeshtën e vitit 2022.
Dhe ata i duan në shtëpi, shkruan BBC, transmeton Klan Kosova.
"Kur do të konsiderohet se burrat tanë e kanë kryer detyrën e tyre ushtarake?" pyet Maria. "Kur ata kthehen pa krahë dhe këmbë? Apo duhet të presim që të kthehen në arkivole zinku?"
Gratë u takuan përmes rrjeteve sociale dhe kanë formuar një grup të quajtur “The Way Home”.
Ato kanë pikëpamje të ndryshme për luftën. Disa pretendojnë se e mbështesin atë. Të tjerat janë skeptike për "operacionin special ushtarak" të Kremlinit.
Ajo që duket se i bashkon është besimi se burrat e mobilizuar kanë bërë pjesën e tyre të duhur të luftimeve dhe duhet të kthehen në shtëpi me familjet e tyre.
