Mustafa: Nuk e kam kërcënuar askënd, jam për media të lira

Kryeministri i Kosovës, Isa Mustafa, ka thënë se ai nuk e ka kërcënuar gazetarin e Insajderi.com, Vehbi Kajtazin, dhe nuk do ta kërcënojë askënd asnjëherë, sepse “jam për media të lira”, njofton Klan Kosova. “As s’iu kam kërcënuar askujt as nuk do t’i kërcënohem, mediat e kanë lirinë e tyre nuk është puna ime të përzihem aty”, ka thënë Mustafa. Ai këto komete i ka bërë duke folur në përurimin e sistemit të ri të doganës që mundëson proceduar të shkurtuar të eksportit. Dje gazetari Kajtazi ka publikuar një shkrim në portalin Insajderi.com, duke thënë se është kërcënuar nga kryeministri i Kosovës Isa Mustafa, pasi që kishte publikuar një lajmë për vëllanë e Mustafës, i cili për arsye shëndetësore kishte udhëtuar për në Europë, përmes rrugëve ilegale, për të kërkuar azil.

klankosova.tv