Mustafa do t’i kërkojë llogari Mariqit

Kryeministri i Kosovës, Isa Mustafa, ka deklaruar se ai do ta ftojë për një bisedë ministrin e tij nga komuniteti serb, Ljubomir Mariq, i cili ditë ma parë në një intervistë për një televizion serb ishte shprehur kundër pranimit të Kosovës në UEFA dhe FIFA, njofton Klan Kosova. Mustafa, i pyetur nga gazetarët për deklarimet e vartësit të tij në Qeveri, pohoi se do ta ketë një bisedë me serbin për këtë deklaratë të tij. Kryeministri në këtë paraqitje ka folur edhe për plotësimin e vendeve vakante në Qeveri. Ka thënë se ende nuk i ka pranuar emrat e propozuar nga partneri i koalicionit, Partia Demokratike e Kosovës.

klankosova.tv