Murtezaj: Kosovarët janë europianë të mirë

Zëvendësministri i Punëve të Jashtme i Republikës së Kosovës, Valon Murtezaj, ka mbajtur fjalimin kryesor në  manifestimin e Kongresit Paneuropa, që po i mban punimet në Vjenë, njofton Klan Kosova. Me këtë rast zëvendësministri Murtezaj, para pjesëmarrësve të shumtë, gjatë fjalimit është përqendruar në ardhmen e Europës dhe të Kosovës si pjesë e saj, thuhet në njoftimin për media. Murtezaj ka deklaruar se “Kosova është Europë dhe se Europa është fati ynë i përbashkët”. Ai ka shtuar se shtuar se Evropa duhet të ju ofrojë  qytetarëve të Kosovës mundësi për të qenë pjesë e saj. “Kosovës dhe qytetarëve të saj, në veçanti të rejave dhe të rinjve të ju ofrohet perspektiva europiane. Na jepni mundësinë dhe do të shihni që do të jemi evropianë të mirë", është shprehur Murtezaj, derisa i ka siguruar të pranishmit për vizionin e palëkundur evropian të Kosovës.

klankosova.tv