Muriqi sonte kundër Celta Vigos synon të vazhdojë formën e tij

Me fillim nga ora 21:00, Vedat Muriqi me shokë do të tentojë të nxjerrë më të mirën kundër Celta Vigos. Kjo ndeshje premton të jetë plot emocione, por gjithashtu një mundësi tjetër për Muriqin që të shkëlqejë dhe të vazhdojë të tregojë klasin e tij. Në këtë sezon, Muriqi ka arritur të gjejë golin vetëm tre herë, mirëpo kërcënimi nga ai për mbrojtësit është i përhershëm. Herën e fundit që ai shënoi, ishte kundër Barcelonës në mesjavë, por që kjo nuk i kreu punë fare ekipit pasi u mposhtë 5-1. Mallorca aktualisht gjendet në vendin e gjashtë, kurse Celta Vigo në të 12-tin në La Liga. Ndeshja do të transmetohet në S1 të platformës Artmotion.