Mungesa e barnave dhe pritjet e gjata - faktorët që po ulin jetëgjatësinë e kosovarëve? (VIDEO) 

Besim Kodra nga Shoqata e të Drejtave të Pacientëve të Kosovës ka deklaruar se gjendja e sistemit shëndetësor në vend ka ndikuar që kosovarët të kenë jetëgjatësi më të shkurtër në krahasim me qytetarët e Bashkimit Evropian. Sipas tij, 50% e pacientëve janë të kënaqur me shërbimet shëndetësore, një pjesë tjetër është mesatarisht e kënaqur, ndërsa rreth 10% shprehen të pakënaqur, njofton Klankosova.tv. Kodra thekson në emisionin "Fol me Arin" në Klan Kosova FM,  se kjo situatë vjen si pasojë e disa problemeve në sistem, si: mungesa e barnave esenciale, mungesa e aparaturave mjekësore,  pritjet e gjata ndonjëherë të paarsyeshme, dhe  burokracia në institucionet publike shëndetësore. Si rezultat, shumë qytetarë e bojkotojnë shërbimin shëndetësor ose nuk kanë qasje të duhur në të, duke ndikuar negativisht në jetëgjatësinë e tyre. Ndiqni intervisten e plotë, në videon e mëposhtme: https://youtu.be/Vc6auwmoYds