MSH-ja ndryshon sistemin e raportimit, sot 19 raste me COVID-19 dhe asnjë i vdekur

Gjatë 24 orëve të fundit janë regjistruar 19 persona me koronavirus, ndërsa nuk është raportuar për asnjë të vdekur. Siç thuhet në njoftimin e IKSHPK-së ku siç shihet ka ndërruar sistemi i raportimit të rasteve me COVID-19, gjatë 24 orëve të fundit nuk është regjistruar asnjë i vdekur nga COVID-19, ndërsa janë shëruar 177 qytetarë, duke çuar numrin e të shëruarve në 103.143. Numri total i rasteve aktive është 2.043, ndërsa i të vdekurve 2.243. MSH-ja tutje ka njoftuar se numri i personave të vaksinuar deri më tani është 67.094, derisa brenda 24 orëve janë vaksinuar 2.318.